တခါတလေ မှာ ထပ်တူကျတက်ပေမယ့် တခါတလေမှာတော့ တက်တက်စင်အောင် လွဲတက်ပါတယ် ၊၊ ဒါပေမယ့် ကိုယ်ရောက်တဲ့ နေရာမှာ ကျ၇ာ ဇာတ်ရုပ်မှာ ပီပြင်အောင် သရုပ်ဆောင်တက်ရင်တော့ ထူးထူးချွန်ချွန် အကယ်ဒမီ မရရင်တောင်မှ ပရိတ်သတ် ရဲ့ အသိအမှတ် ပြုမှုကို တော့ ရတက်ပါတယ် .....
ရုပ်ရှင်မင်းသမီးကြီး ၀ါဝါ၀င်းရွှေက ငွေအတွက် ရုပ်ရှင်ရိုက်ခဲ့တာပေမယ့် လျှမ်းလျှမ်းတောက် အောင်မြင်ခဲ့သလို .... စိုးမြတ်သူဇာ ဆိုတဲ့ မင်းသမိးလည်း ထို့အတူပါပဲ ......
ကိုယ်ဖြစ်ချင်တာက ဆရာဝန်ပေမယ့် .... အဆင်မသင့်သူတွေက စီးပွားရေး လုပ်ရင်း ကိုယ့်ရဲ့ အောင် မြင်မှုကို ရယူသွားတက်ကြပါတယ်
ဒါကိုတော့ ကိုယ်ရည်ကိုယ်သွေးလို့ပဲ ဆို၇ပါမယ် ......
၁၀ တန်းတုန်းက ဆရာတစ်ယောက်က ဆရာဝန်ဖြစ်ချင်ခဲ့ပေမယ့် ..... အဆင်မပြေတော့ ကျူရှင်ဆရာ ဘ၀နဲ့ ကျွန်တော်တို့ ဒေသမှာတော့ အတော်ကို အောင်မြင်ခဲ့ပါတယ် ....
လူတော်တွေက ဘယ်နေရာရောက်ရောက် အောင်မြင်အောင် ကြိုးစားကြတယ်လို့ပဲ မှတ်ယူမိပါတယ် ....
တကယ်လို့ သူတို့ လုပ်ချင်တာ ၊ ၀ါသနာပါတာကိုသာ လုပ်ခွင့်ရရင် ပိုအောင်မြင်ပေမပေါ့ .......
ဒါပေမ့ယ် ဖြစ်ချင်တာ မဖြစ်လို့ ဆိုပြီး လောက ကို အရွဲ့တိုက် လမ်းလွဲလိုက်နေမယ့် အစား ကိုယ် ကျလာတဲ့ ဇာတ်ရုပ်မှာ ပီပြင်အောင် သရုပ်ဆောင် အောင်မြင်နေသူတွေကို အထူးကို လေးစားမိတာပါပဲ ....
လူတိုင်းကိုလည်း အဲဒီလိုပဲ ကြိုးစားကျစေချင်ပါတယ်
Monday, 27 December 2010
Wednesday, 15 December 2010
ပြည်တွင်းမှ ရတနာများ
“လူငယ်တွေ တော်တော်များများ တိုင်းပြည်အပြင်ကို ထွက်ခွာသွားတဲ့အတွက် ကျန်နေတဲ့ လူငယ်တွေက တာဝန်တွေ မယူနိုင်ဘူး၊ ယူနိုင်တဲ့ အရည်အချင်း မရှိဘူးဆိုတာ မဟုတ်ပါဘူး။ အခုဆိုရင် ပြည်တွင်းမှာ လေ့လာချင်တဲ့၊ သတိထား စောင့်ကြည့်နေသူတွေ ရှိပါတယ်။
“ပြည်တွင်းက လူငယ်တွေဟာ အပြင်မှာ ရောက်နေတဲ့ သူတွေလောက် အခွင့်အလမ်းတွေ မရတဲ့အတွက် ပြည်ပက လူငယ်တွေလောက် မသိတာတွေ ရှိကောင်းရှိပါလိမ့်မယ်။ ဒါပေမဲ့ သူတို့မှာ လေ့လာသင်ယူချင်တဲ့ စိတ်တွေ ပြင်းပြနေကြပါတယ်။
“ပညာအတတ်ဆုံးသူတွေ စိတ်ပျက်လက်ပျက်နဲ့ တိုင်းပြည်ကနေ ထွက်သွားကြပေမဲ့ ကျန်နေတဲ့ အဲဒီ လူငယ်တွေနဲ့ လက်တွဲပြီး ကျမတို့ ဆက်အလုပ်လုပ်ရပါလိမ့်မယ်။ တော်တော်များများက နိုင်ငံခြားမှာ အခွင့်အလမ်းတွေ ပိုရတယ်ဆိုပြီး ထွက်သွားကြတာပါ။ ဒါပေမဲ့လည်း ဒီလို အခွင့်အလမ်းတွေ အပြင်မှာ ပိုရမယ်ဆိုတာ သိရက်နဲ့ ပြည်တွင်းမှာပဲ နေပြီး တခုခု ကောင်းအောင် လုပ်နေတဲ့ လူငယ်တွေလည်း ရှိနေပါတယ်။”
အထက်က စာသားလေးကတော့ လူထု ခေါင်းဆောင် ဒေါ်အောင်ဆန်းစုကြည် ရဲ့ အင်တာဗျူးတစ်ခုက အဖြေ စကားလေးပါပဲ ၊၊ ပြည်တွင်းမှာ ကျန်နေခဲ့တဲ့လူငယ်တွေအတွက် အင်မတန်မှာ ၀မ်းမြောက်ဂုဏ်ယူမိပါတယ် ၊၊ ဘာလို့လဲ ဆိုိတော့ ကျွန်တော် ကိုယ်တိုင်လည်း ပြင်ပ တစ်နေရာမှာ လက်ရှိရောက်ရှိနေပေမယ့် ဟိုးအရင်တုန်း ကတော့ ပြည်တွင်းမှာ လုပ်ကိုင် ရုန်းကန်ခဲ့ဖူးပါတယ် ၊၊ အမှန်တိုင်းပြောရရင်တော့ ကိုယ်ရေးကိုယ်တာ ကိစတစ် ခုကြောင့် ပြည်ပမှာ နေထိုင်လုပ်ကိုင်နေရပေမယ့် ကိုယ့်ကိုကိုယ် အမြဲတမ်း စိတ်မလုံ ဖြစ်မိတာတော့ အမှန်ပါပဲ ၊၊ လိပ်ပြာမလုံ ခံစားမိတာတော့ အချိန်တိုင်းပါပဲ ၊၊
အမှန်တကယ် တိုင်းပြည်တွင်းမှာ နေပြီး တိုင်းပြည်နဲ့ လူမျိုးအတွက် ကိုယ်ကျိုးမဖက်ပဲ အလုပ်လုပ်ပေးနေသူ တွေ ဒုနဲ့ ဒေးပါ ၊၊ လူတွေကလည်း ခက်ပါတယ် ၊၊ တခါတလေ ပြည်ပ ထွက် အလုပ်လုပ်နေသူတွေကပဲ ပိုတော် ပိုတက် သယောင်ယောင် ၊ ပြည်တွင်းမှာ လုပ်ကိုင်နေသူတွေကပဲ လူပျင်းတွေလိုလို လူဖျင်းတွေလိုလို အကြည့် မျိုးနဲ့ ပြောတက်တာလည်း ကိုယ်တိုင်ခံစားခဲ့ဖူးပါတယ် ၊၊၊ ကိုယ်တိုင်လည်း အားမလို အားမရ ဖြစ်ခဲ့ဖူးပါတယ် ၊၊ မြန်မာပြည်မှာ ကျန်နေခဲ့တဲ့ တကယ်တော်တဲ့ သူငယ်ချင်းတွေအတွက်လည်း အမြဲတမ်း အားကျ ဂုဏ်ယူမိသလို သူတို့ကိုလည်း လေးစားမိပါတယ် ၊၊ ဘယ်လို သာမာန်လူပဲ ဖြစ်ဖြစ် နေထိုင်ရှင်သန် ရပ်တည်လို့ အခြေခံလစာ လောက်တော့ လူတိုင်း ရှာနိုင်တဲ့ ပြည်ပမှာ အဆင်ပြေတယ် ဆိုတာ ဘယ်လိုမှ ဂုဏ်ယူစ၇ာ မရှိတာတော့ အမှန်ပါပဲ ၊၊
ဒါ့ကြောင့် ပြင်ပတစ်နေရာမှာ ရှိနေသမျှကာလလေးမှာ ရသမျှ ပညာ ၊ ဥစာလေး တွေစုဆောင်းပြီး မဝေးတော့ တဲ့ အနာဂတ်မှာ သာယာလှပနေတော့မယ့် အမိမြန်မာပြည် ပြန်စို့ ရယ်လား ....
Thursday, 29 July 2010
နှုတ်ဆက်ပါသည် ဧရာဝတီ
တကယ်တော့ စောလွန်း ပါသေးတယ် ၊၊ ခွဲခွာ နှုတ်ဆက် လက်ပြ ထွက်ခဲ့ဖို့ မသင့်တော် သေးမှန်း သိခဲ့ပေမယ့် နောင်သံသရာ အစဉ်အဆက် အတွက် ဒီတစ်ခါ တကယ်ကို နှုတ်ဆက်ဖြစ်ခဲ့ပြီ ၊၊တခါတခါ မိုးခါးရေဆိုတာ ကိုယ်မသောက်မိရင်ပဲ အရူးရယ်လို့ အခေါ်ခံရလေမလား အတွေးဝင်မိသည် ၊၊ ဒါမှမဟုတ် သူများ သောက်သလို ဇွတ်မှိတ်ပြိး သောက်လိုက်ရ လေမလားရယ်လို့လည်း မိုက်လိုက် ချင်မိသည် ၊၊ သို့သော် အဲဒီလို ဝေခွဲရခက်လာတဲ့အခါ လက်လှမ်းမှီသမျှ တရားမှတ်ပွားရင်းပဲ ဖြေသိမ့် တွေးရပါသည် ၊၊ သမာဓိ အပြည့်နဲ့ တရားအသိ မရှိသေးပေမယ့် တက်နိုင်သမျှလေးတော့ သံသရာ ကို အကောင်း အတိုင်းနဲ့ ဖြတ်ချင်သည် ၊၊ ဘယ်အရာမှ မတည်မြဲတဲ့ တဘ၀စံ အကုသိုလ်တရားတွေကို လည်း နောင်သံသရာ ကို သယ်မသွားချင်တော့ ၊၊ ဒီဘ၀ ဒီမျှနဲ့ သံသရာ မပြတ်နိုင်ပေမယ့် နောက်ဘ၀ နောက်ဘ၀ တွေ ကိုတော့ အကောင်း ဆုံး ဆိုတာတွေကို ပဲ သယ်သွားချင်မိတော့သည် ၊၊
လူသာမာန် ပုထုဇဉ်မို့ လောကီကို စုံးစုံးဖြတ်ဖို့ ဆိုတာလည်း မဖြစ်နိုင်သေးတာ ဘာသာ နားလည်မိပါသည် ၊၊ ကိုယ်မလုပ်နိုင်ပေမယ့် ဒီဘ၀မှာ အနေလှဖို့ ကြိုးစားရုန်းကန်နေရတဲ့ လုပ်ဖေါ်ကိုင်ဖက်တွေကိုလည်း ကိုယ့်အတွက်တော့ စိတ်အနှောင့်အယှက် မဖြစ်စေလို ၊၊ ကိုယ့်ကို ရှိန်လို့ သူ့ကိုယ့်ရို့ စေရမယ့် အဖြစ်မျိုး ကိုလည်း မဖြစ်စေလို ၊၊ လူတစ်ကိုယ်စိတ်တစ်မျိုး ဆိုသလို သံသရာခရီးကို ကိုယ်ယုံကြည်ရာ လမ်းနဲ့ ဖြတ်သန်းနေရတဲ့ ခရီးသွားဖေါ်ချင်းပေမို့ တခဏတာ ဆုံစည်းရတဲ့ အခိုက်အတန့်မှာ တစ်ဦး နဲ့ တစ်ဦး စိတ်အနှောင့်အယှက် မပေးလိုတော့ ပြီ ၊၊ အပေါ်လမ်းက သာမယ်ထင်သူ အပေါ်လမ်းက လျှောက်လိမ့်မည် ၊၊ အလယ်လမ်းက သာမယ်ထင်သူ အလယ်လမ်းကို သွားလိမ့်မည် ၊၊ အောက်နားဆီက သာမယ်ထင်သူ အောက်နားဆီက ရွေ့လိမ့်မည် ၊၊
တကယ်တော့လေ ဒီဘ၀ အခြေအနေ ဒီနေ့ဒီကာလကို ခပ်လွယ်လွယ်ရောက်ခဲ့တာတော့ မဟုတ်ပါဘူး ၊၊ အတားအဆီးအခက်အခဲပေါင်းစုံကို ကျော်လွားပြိးမှ ဒီနေ့ဒီကာလ ဒီအခြေအနေလေး တစ်ခုကို ရရှိခဲ့တာ ၊၊ ဂုဏ်ယူမိတာပေါ့ ၊၊ ကိုယ့်ကိုကိုယ်လည်း ကျေနပ်မိတာပေါ့ ၊၊ ဒါပေမယ့် အဲဒီ ဂုဏ်ယူ ကျေနပ်အားရ ပီတိ တွေက အဲဒီ ဘ၀နောက်ကွယ်က အရောင် တွေစွန်းပေနေတဲ့ ငွေစကုတွေ မဟုတ်ပါဘူး ၊၊ ဖြူစင်မှု မရှိတဲ့ ပြည့်စုံ ခြင်းတွေ မဟုတ်ပါဘူး ၊၊ ကိုယ့်တက်စွမ်းသမျှ ကိုယ့် အတက်ပညာလေးနဲ့ ကိုယ်ဖွားသောမြေ ကိုယ့် ဌာနေကို အခြေတိုးမြင့် ကျန်ကောင်းသင့်ဖို့ ပေးဆပ်ခြင်းက ရရှိလာတဲ့ ပီတီ သက်သက်ရယ်ပါ ၊၊ အင်း လေ ဒါကိုယ်လည်း ကိုယ် ကိုနားလည် ကိုယ်နဲ့ လမ်းကြောင်းတူသူတွေသာ ခံစားပေးနိုင် ပေမပေါ့ ၊၊
လွန်ခဲ့တဲ့ ၁၀ စုနှစ် ၂ ခုကျော်ကာလကတည်း က ဖြူစင်စွာ အသက်မွေးရပါ၏ ရယ်လို့ ရည်မှန်းလို့ ဖြူစင်တဲ့ အသက်မွေး ပညာကို သင်ယူဖို့ အားသန်မိခဲ့ပါတယ် ၊၊ ကြိုးစားခဲ့ရပါတယ် ၊၊ ပညာနဲ့ သာ အသက် မွေးသူ ဖြစ်ရပါလို၏ ဆိုတဲ့ အတိုင်း အသိပညာတွေ ပြည့်ဝစေဖို့ ရိုးကုပ်ကြိုးထုတ် ခဲ့ရပါတယ် ၊၊ လူ့အသက်ကို ကယ်ဆယ် ခြင်းဖြင့် အသက်မွေးချင်ခဲ့ပေမယ့် ကံတရားက စေခိုင်းတာက လူသားတွေ ဘ၀ အခြေမြင့်ဖို့ ဆောင်ရွက်ပေးရတဲ့ အင်ဂျင်နီယာဘ၀ ၊၊ ဂုဏ်ယူမိပါသည် ၊၊ တကယ်ကို ဂုဏ်ယူမိပါသည် ၊၊ လူဦးရေ သန်းပေါင်းများစွာထဲမှာမှ အနည်းငယ်သော လူသားတွေသာ ရရှိနိုင်တဲ့ ဒီအခွင့်အေ၇း ၊၊ ကိုယ်တိုင် လည်း ဇွဲသန်လို့ လူသားကောင်းကျိုး သယ်ပိုးခွင့်အတွက် ပီတိတွေ တပွေ့တပိုက် နဲ့ အင်မတန် မှ ကျေနပ်ခဲ့ရပါသည်၊၊
မှတ်မိပါသေးသည် ဟိုးအရင် အထက်တန်းကျောင်းသား ဘ၀ကပေါ့.. ရုပ်မြင်သံကြားက ကြည့်ခဲ့ရတဲ့ အကျိုးပြု ဇာတ်လမ်းလေးတစ်ခု…. အင်းစိန်ကြို့ကုန်းက တိုင်လုံးကြီးတွေနဲ့ အရမ်းလှတဲ့ YIT ကျောင်းကြီးမှာ ပျော်ပျော်ပါးပါး ကျောင်းတက်ခဲ့ကြတဲ့ ဇာတ်ဆောင်တွေ၊ နိုင်ငံအနှံ့ တံတားတွေ လိုက်ဆောက်တဲ့ အင်ဂျင်နီယာတွေ.. အော် တကယ်ကို အားကျစရာ……. ဆယ်တန်းမှာ အမှတ် ကောင်းအောင် ဖြေ... ဆရာဝန်မဖြစ်ရပေမယ့် အင်ဂျင်နီယာဖြစ်ရတာကို ဂုဏ်ယူခဲ့ကြတာပါ့... သြဘာလမ်းဆိုတာကိုလည်း ရင်ခုန်စွာရောက်ဖူးချင်ခဲ့ကြတယ်.. တကယ်တော့ ဒါတွေဟာ မက်ခဲ့တဲ့ အိပ်မက်တွေပါ.. အဲဒီ အိပ်မက်တွေရဲ့ နောက်ကွယ်မှာ ဘာအရောင်မှာ ခြယ်စိုး ထားတာ မရှိခဲ့တာတော့ အသေအချာပါပဲ ၊၊
တကယ်တန်းကျတော့ အိပ်မက်ဆိုတာ မိုးလင်းရင် ပျောက်ကွယ်သွားတာပေါ့လေ.. တက်ချင်လှပါတယ် ဆိုတဲ့ YIT ကျောင်းကြီးရဲ့ အဝေးမှာ တကွဲတပြားစီ ကျောင်းတက်ခဲ့ရတယ်….. ဒါတွင်မက တကယ့် လုပ်ငန်းခွင် ၀င်တော့လည်း …………..
ဒီလိုနဲ့ …… တကယ့်လက်တွေ့ ဘ၀တွေ မှာတော့ ……………
မြန်မာပြည်ရဲ့ အသက်သွေးကြော မိခင်ဧရာဝတီ ကို ဖြတ်ကျော်တည်ဆောက်ထားတဲ့ တံတားကြိး ၄ စင်း အနက်တွင်မှ တံတားတစ်ခုမှာ ပါဝင်တည်ဆောက် လုပ်ကိုင်ခွင့် ရတဲ့ အခွင့်အရေး ၊၊ လူတကာ မက်မောတဲ့ အခွင့်အရေးတွေနဲ့ ဘ၀ ၊၊ အမြင်မှာ တကယ်လှပေမယ့် ကိုယ်တိုင်သာ သိတဲ့ နေ့စဉ်ဘ၀တွေက အမော တွေ ၊၊ အမောတွေ ၊၊ အမောတွေ ၊၊ အဲဒီအမောတွေ နောက်ကွယ်က ဒေါသတွေ မောဟတွေ လောဘတွေ ၊၊ အဲဒီ လောဘတွေ မောဟတွေနဲ့ လျှံထွက်လာတဲ့ ကိန်းဂဏန်းတွေ ၊၊ ဟိုစဉ်ကတည်းက ဒါတွေကို မမက် မောမိသူမို့ မောဟတွေ ဖုံးလွမ်းထားတဲ့ လောဘကိန်းဂဏန်းတွေကြားမှာ အသက်တစ်ချက် ၀၀ ရူဖို့ဆိုတာ ဧရာဝတီ မြစ်ဘေးမှာ နေပြီး လေငတ်နေသူလိုပါပဲ ၊၊ ကွင်းပြင်ကြီးက ကျယ်ပေမယ့် ကိုယ့်အသိတွေက ပိန်းပိတ်နေတယ် ၊၊ လေတွေတဟူးဟူး တိုက်ခတ်နေပေမယ့် အသက်ရူ ခြင်းတွေက မွန်းကျပ်နေတယ် ၊၊ ရေတွေ တသွင်သွင် စီးဆင်းနေပေမယ့် ကိုယ် သောက်တဲ့ ရေ ဖြူစင်ပါသလားရယ် လို့ သောက်ပြိးတိုင်း ငတ်မပြေ ခံစားနေရတယ် ၊၊
ဒါကြောင့်လေ သံယောဇဉ်တွေ နဲ့ ရစ်ပတ်နှောင်ထားတဲ့ လုပ်ဖေါ်ကိုင်ဖက် မောင်နှမတွေကို အသာ ကျောခိုင်းလို့ …. ဖြူဖြူစင်စင်လေး သောက်သုံးခွင့်ရမယ့် ရေတစ်ခွက်အတွက် ၊ အေးအေးမြမြလေး ရူသွင်း ရှိုက်ခွင့်ရမယ့် လေတစ်ထွေးအတွက် ၊ မောဟတွေ ကင်းစင်တဲ့ အစာတစ်လုတ်အတွက် နှုတ်မဆက်ချင် ပေမယ့် လက်ပြခဲ့ပါတယ် ဧရာဝတီရယ် ၊၊ ကိုယ့်ကို နားလည် ခွင့်လွတ်ပေးပါ ၊၊
အပြစ်မဲ့စွာ တသွင်သွင် စီးဆင်းနေတဲ့ အမိဧရာဝတီ ကို နှုတ်မဆက်ချင်ပေမယ့် သံသရာ အတွက် ဒီတခါတော့ တကယ့် နှုတ်ဆက်ခဲ့ရတယ် ………………………..
နားလည်ပေးပါ ဧရာဝတီရယ် ………………
လေးစားစွာဖြင့်
မင်းအိမ်ဖြူ
လူသာမာန်တွေ မလုပ်နိုင်တဲ့ စွန့်ခွာခြင်းကို သံသရာအတွက် ရဲရဲဝံ့ဝံ့ ကျောခိုင်းခဲ့တဲ့ သူငယ်ချင်း တစ်ယေက် အတွက် အမှတ်တယ ခံစားရေးဖွဲ့ပါသည် ၊၊
Subscribe to:
Posts (Atom)