Sunday, 27 December 2009

မြန်မာပြည်မှာ နေစေချင်ပါသည်

ညီမလေးနှင်းမာ တစ်ယောက် ဒီတစ်ခေါက်အိမ်ပြန် လာတာ မျက်နှာ သ်ိပ်မကောင်းပါ ။ အဖေတို့အမေတို့ကို ကန်တော့ ရင်းလာနှုတ်ဆက် တာလို့ပြောပါသည်။ ညီမလေး ဘယ်ကို များခရီး ဆန့် အုန်းမလို့ပါလိမ့် ။ ဒီလို ကန်တော့ရင်း နှုတ်ဆက်တာ ဒီတစ်ခါ တတိယ အကြိမ် ဖြစ်သလို နောက်ဆုံး အကြိမ်လည်း ဖြစ်နိုင်ပါသည်။
မှတ်မိပါသေးသည်။ လွန်ခဲ.သော (၁၀)နှစ်ကျော်ကာလ ညီမလေး အသက် (၁၅) နှစ်ပြည့် ပြီးသည့် အချိန်မှာ ဖြစ်ပါသည်။ ကျွန်တော်တို့ ရွာတွင် အထက်တန်း ကျောင်းရှိပေမယ့် ပြိးပြည်စုံသော သင်ကြားမှု မဖြစ်နိုင်ဟု ညီမလေးက ယူဆခဲ့ပါသည်။ ထို့ကြောင့် အထက်တန်း ပညာကိုမြို့ကျောင်းသို. သွားရောက်သင်ကြားချင်သည် ဟုဆိုတော့သည်။ မိန်းခလေးက ဖြစ်ပြန်၊ မြို.မှာလည်း အဆက်အခံ ကလည်း မရှိပြန်တော့ စိတ်မချလို့ တားမြစ် ကြသည် ။ တကယ် ဘ၀ကို တိုးတက်ချင်ပါသည်ဆိုသည့်မ်ိန်းခလေး ။ တားမရသည့်အဆုံးခွင့် ပြုခဲ့ ရပါသည်။
ကျွန်တော်ကတော့ (၉) တန်းအောင်ပြီးသည် နှင့် မိဘအလုပ် ၀င်၍ စီးပွားရေးဘက် ကူးခဲ့ရ၍ ပညာရေး မှာဝေး ခဲ့ရသည်။ ထို.ကြောင့် ညီမလေး ကိုတော့ မြင့်မြင့်မားမား ပညာတက်မကြီး ဖြစ်စေချင်ခဲ့သည်။ ညီမလေးတော် ပါသည်။ တက္ကသိုလ်ဝင်တန်း ကိုဂုဏ်ထူး တွေဖြင့် အောင်မြင်ခဲ့သည်။ ရွာကျောင်းမှာ နေခဲ့သော ညီမလေးရဲ့ သူငယ်ချင်းတွေ ကတော့ အောင်ရုံတော့အောင် ကြပါသည်။ ထို.ကြောင့် ညီမလေး အယူအဆ မမှားပါဟု ထောက်ခံမိပေမယ့် ထုတ်တော့ မပြောမိပါ။ တကယ်လို.ညီမလေး မြို့ကျောင်း သွားမတက် ရင်ရော ထူးချွှန်စွာ အောင်ပါ့ မလားဟု ကိုယ့်ဘာသာ ကိုယ်တော့ စဉ်းစားမိခဲ့ပါသည်။
ဒီလိုနဲ့ ညီမလေး ရွာကိုမပြန် ဖြစ်ခဲ့တော့ပါ။ ပြန်ရင်လည်း အလည်အပတ် လောက်သာ လာတက် ပါ တော့ သည်။ ဘ၀တိုးတက်ဖို. ကျွန်တော့် ရင်ခွင်ထဲက ထွက်ခွာ သွားတဲ့ ညီမလေးကို လွမ်းမိပါသည်။ ညီမလေး လိမ်မာ ပါသည် ။ တက္ကသိုလ်ဝင်တန်း ခလေးတွေ ကို (Guide ) ဟုခေါ်သော စာပြဆရာမလေး လုပ်ရင်း သင်တန်းတွေ တစ်ခုပြီး တစ်ခု တက်သည်။ စက်မှုတက္ကသိုလ် တက်၍ အင်ဂျင်နီယာမကြီး လုပ်မည် ဟု ပြော ပါသည်။ ကျွန်တော် နားမလည်သော ဘာသာ စကား တွေပြောတက်တဲ့ ညီမလေးကို လေးလေးစားစား ချီးကျုး မိပါသည် ။
ညီမလေးကံဆိုးပါသည်။ ခေတ်ကာလအခြေအနေအရ ကျောင်းပိတ်ကာလ နှင့်ကြုံတော့ တက္ကသိုလ် မတက်ခင် (၄)နှစ်လောက် နားနေ ရပါသည် ။ ဒါပေမယ့် ညီမလေး အလကား မနေခဲ့ပါ။တဖက်က စာသင်ရင်း သင်တန်း တွေ တက်၍ တက်လမ်းရှာဖွေခဲ့ပါသည်။ ကျွန်တော်တို့ ဒေသမြို့ ကလေးမှ ရန်ကုန်မြို့ ကြီးသို့ ပြောင်းရွှေ.အခြေချပါသည်။ ဤအကြိမ်သည် ဒုတိယ အကြိမ်မြောက် နှုတ်ဆက်ခြင်း ဖြစ်ပါသည်။
ရွာမှာ ပြန်နေပါလား ညီမလေးရယ် လို့ ဘာရယ် မဟုတ်ပြောမိတော့ ညီမလေးက ရယ်ပါသည်။ ဟုတ်တာ ပဲလေ သူလုပ်နေတဲ့ အလုပ်တွေ တို့ရွာမှာမှ လုပ်လို့ မရတာပဲလို့ ဖြေရင်း လွမ်းရပါသည်။ ဒီလိုနဲ. တက္ကသိုလ် ပြီးလို့ ဘွဲ.ရပြိး အင်ဂျင်နီယာမကြီး အဖြစ်အလုပ်ရပါသည် ။ ဒီအလုပ်လေးရဖို့ ပေးဆပ်လိုက်ရတဲ့ အရင်းအနှီး အတွက်တော့ ညီမလေးက ညိုးငယ်စွာ တောင်းပန်ပါသည် ၊၊ ဘာပဲဖြစ်ဖြစ် ကျွန်တော် ကျေနပ်ပါသည် ၊၊ ကျွန်တော့် ညီမလေး ဘ၀အခြေကျပြီ လို့ ၀မ်းမြောက် ၀မ်းသာ ပီတိဖြစ်ရပါသည်။ ညီမလေးရဲ့ ခံစားချက်တွေ ကို ရင်ဖွင့်ပြောပြ ပေမယ့် အသိဥာဏ် နည်းတဲ့ ဗဟုသုတ မရှိတဲ့ ကျွန်တော် နားမလည်ပါ ။ သူရတဲ့လခနဲ. မလောက်ငှ တဲ့အကြောင်း ပြောရင် ကျွန်တော်က မပူပါနဲ. ညီမလေးရယ် အစ်ကိုပို့ မှာပေါ့ လို့ ပြောတော့ ငိုရှာပါတယ် ။ ကျွန်တော့် ညီမလေး သည်းသည်း ထန်ထန် ကို ငိုပါတယ် ၊၊ ဘာကိုမကျေ နပ် လို့ ငိုမှန်း မသိပေမယ့် ညီမလေးကို ဖျောင်းဖျနား ချရပါတယ်။ ရောင့်ရဲပါလို.လည်း တရားချမိ ပါတယ်။ အခုလို ဌာန ကြီးတစ်ခုမှာ ၊ စီမံကိန်းကြီး တစ်ခုမှာ တရားဝင်အလုပ် ရနေတာပဲ အစ်ကိုတို.က ဂုဏ်ယူ ၀မ်း မြောက် ပါပြီ၊ ဘာမှမလိုပါဘူး ၊ အမေတို.ဆိုရင် သူတို.သမီး ပညာတက်မကြီး အတွက် ကြွားရတာ အမောပဲ လို.ဆိုတော့ ညီမလေး ထပ်ငိုပါသည်။ ရှိုက်ကြီးတငင် ၀မ်း နည်းစွာ ငိုပါသည် ၊၊ ကျွန်တော် စိတ်မကောင်းပါ ။ ကျွန်တော့် ညီမလေးကို မငိုစေချင်ပါ ၊၊
ညီမလေးပြောတဲ့ အသုံးအနှုန်းတွေ ဘာသာ စကားတွေ ပိုပြီးမြင့် လာတာ သိပေမယ့် ကျွန်တော် နားမလည်ပါ။ ညီမလေးလိုလည်း မစဉ်းစား တက်ပါ။ ပ္မစည်းတစ်ခု ကို ၁၀၀ ၀ယ်ပြီး ၁၁၀ ရောင်းရင် ၁၀ မြတ်တာတော့ သိပါသည်။ ဒါပေမယ့် ညီမလေး ပြောတဲ့ အခွင့်အရေးတွေ ၊ ရပိုင်ခွင့်တွေ ၊ လိုအပ်ချက်တွေ ဆိုတာတော့ နားမလည်ပါ ။ ညီမျှမှုတွေ မညီမျှမှုတွေ ၊ မတရားမှုတွေ တရားမှုတွေ ဆိုတာတွေလည်း ညီမလေးပြောပြ ပေမယ့် အသိဥာဏ်နည်းတဲ့ ကျွန်တော် နားမလည်ခဲ့ရိုး အမှန်ပါ ၊၊
ဒီလိုနဲ. ညီမလေး ယခု တတိယအကြိမ် နှုတ်ဆက်ပြန်ပါသည်။ ပထမအ ကြိမ် နှုတ်ဆက် စဉ်က မိုင် ၂၀ ကျော် ဝေးတဲ့ ကျွန်တော်တို.နားက မြို့ကလေး။ ဒုတိယ အကြိမ် နှုတ်ဆက်တော့ မိုင် ၂၀၀ ကျော် ဝေးတဲ့ ရန်ကုန်မြို.။ ညီမလေး ဒီတစ်ခါ နှုတ်ဆက်တာ တတိယအ ကြိမ်ပါ။ မိုင် ၂၀၀၀ နီးပါး ဝေးမယ်. နေရာတစ်ခု ဆီသို. ၊၊ ၁၅ နှစ် ၁၆ နှစ် အရွယ် မဟုတ်တဲ့ ၂၇-၂၈ အရွယ် ပညာတွေ အတွေ.အကြုံတွေ ပြည်.၀ နေတဲ့ မိန်းမတစ်ယောက် ဖြစ်နေပြီမို့ အထူးတော့ စ်ိတ်မပူ မိတော့ပါ။ လူဆိုတာ ရေကြည်ရာ မြက်နုရာ ပြောင်းရွှေ.နေထိုင်ရတာ ပါပဲလေလို. ဖြေတွေး ရပါတယ်။ သမီးကို စိတ်မချတဲ့ အဖေ နဲ.အမေ ကို တရားနဲ. ဖြေဖို့ပဲ နှစ်သိမ့်ရပါတယ်။ ဘာကို စိတ်တို မှန်းမသိဘဲ တောက် ခေါက်ပြီး အံကြိတ်နေတဲ့ အဖေ့ကို လည်း ဖျောင်းဖျ ရပါတယ် ။ အဖေ့ ကိုလည်း အံကြိတ် တက်ခေါက် စိတ်သောက မစေချင်ပါ ၊၊ တစ်မြေတစ်ပါးဆီ သွားတော့မယ့် သမီးအတွက် ငိုကြွေးနေတဲ့ အမေ့ကို လည်း သနားမိပါသည် ၊၊
ကျွန်တော်ကတော. နွားခြေရာ ခွက်ထဲက ဖားသူငယ်လို.ပဲ ပြော ပြော ဘာမှမသိ တဲ့မတွက် ဘာမှ မခံစား ရတာ အမှန်ပါ။ ညီမလေးလို ပညာတွေ တက်ခဲ့ရင် ညီမလေး လို စိတ်ဒုက္ခတွေ ခံစားနေရ အုန်းမှာ အမှန်ပါ။ ကျွန်တော့် ညီမလေးကို ဒီထက်ပိုပြီး မသိစေချင် မတက်စေချင် တော့ပါ။ ပိုသိ ပိုတက်ရင် ကျွန်တော်တို့ နဲ့ပိုဝေး သွားတော့ မှာ သေချာပါတယ်။ ဘာပဲဖြစ်ဖြစ် ညီမလေးကို မြန်မာပြည်မှာ ပဲ နေစေချင်ပါသည် ။ ။
မင်းအိမ်ဖြူ
ရေကြည်ရာ မြက်နုရာ ဆိုတဲ့ စကားလေး ကို သုံးမိပေမယ့် တခါတခါ ရေကြည် တစ်ပေါက် သောက်ဖို့ ခက်နေတဲ့ အခါ မြက်နုတွေ ပေါက်နေရာပေမယ့် ကိုယ်တိုင် စားသုံးဖို့ ခက်ခဲ့တဲ့အခါလည်း အခြေသင့်ရာ လွင့် ကြရတာပါပဲလေ ၊၊ ပညာတွေ တက်ပြီး မိဝေးဖဝေး သွားရောက် လုပ်ကိုင်နေရရှာတဲ့ ညီမလေးတွေ ၊ သိသိကြီး နဲ့ အံကြိတ်တက်ခေါက် မျက်ရည်တွေ ပိုးပိုးပေါက်ပေါက် ကျနေရတဲ့ အဖေတွေ ၊ အလွမ်းတွေ နဲ့ အတူ ပန်းရေ ချမ်းဆီမီးတွေ ဘုရားမှာ လှူရင် သားသမီးတွေ ဘေးဘယာကင်းဖို့ ဆုတောင်းနေရတဲ့ အမေတွေ ဒီသောက တွေ ဒီ သောကတွေ အမြန်ဆုံး ပယ်ပျောက်ပါစေ ၊၊
ဝန်ခံချက် ၊၊ ၊၊ ပိုစ့်အဟောင်းလေးပါ ၊၊ ရင်ထဲမှာ နင့်နင့်နဲနဲ ခံစားရသဖြင့် ပြန်လည် တင်ပြပါသည် ၊၊ ဘ၀တွေ ထာဝရ လှပပါစေ ၊၊ သူငယ်ချင်း တွေရဲ့ ဂျီတော့ ကာစတန် မက်ဆေ့မှာ အိမ်ကို လွမ်းလိုက်တာ လို့ ရေးထားတာ မြင်မိလေတိုင်း စိတ်ထဲမှာ နင့်နင့်သည်းသည်း ကို ခံစားရပါသည် ၊၊ ဝေချင်သလောက် ဝေးပါစေ ဆိုတဲ့ အမြင့်ပျံ လိုသူတွေအတွက် မထောင်းတာလှပေမယ့် အဝေးမပျံလို သူတွေ အတွက် တော့ မိဘနဲ့ ဝေးတဲ့ ဒေသဟာ ဘယ်လောက်ပဲ အစာ ရေစာ တွေ ပေါများနေပါစေ ကန္တာရပါပဲ ဗျာ ၊၊

Tuesday, 22 December 2009

သပြေညို

သပြေညို

သူ့ ခေါင်းမှာတဲ့ သပြေညို
ငါ့ ခေါင်းမှာတဲ့ သပြေညို။

တို့ပြေမှာ တို့မေ ကမ်းပါတဲ့
သပြေညို ရွှေဘိုပန်းဟာက
လန်းလျက်ပါကို။

ဘာမလျှော့လေနဲ့
လာတော့မကွဲ့ ရွှေပဟိုရ်
လေချိုက အသွေး။

လင်းကြက်အဆော်
ကွင်းထက်မှာ တူပျော်ပျော်နဲ့
စည်တော်ကို ရည်မျှော်မှန်းကာပ
ရောင်နီမှာ အောင်စည်ရွမ်းရအောင်
သပြေညို ရွှေဘိုပန်းရယ်နဲ့
လှမ်းကြစို့လေး။
မင်းသုဝဏ်
အင်္ဂလန် (၁၉၃၈) ဇန်န၀ါရီလ ၄ ရက်

ဆရာမင်းသုဝဏ် ရေးသားခဲ့သော ကဗျာလေးတစ်ပုဒ်ပါ ၊၊ လွတ်လပ်ရေးမရခင် ၁၀ နှစ်တိတိ ၁၉၃၈ ခုနှစ် ဇန်န၀ါရီလ ၄ ရက်နေ့မှာ ရေးသားစပ်ကုံးခဲ့တဲ့ ကဗျာလေးတစ်ပုဒ်ရယ်လို့ ဆရာ ချစ်ဦးညို ပြောလို့ သိခဲ့ရပါတယ် ၊၊ ဆရာက ဌာန်ကရိုဏ်းကျကျ ရွတ်ပြတဲ့အခါ မျက်ရည်လည်း ၀ဲခဲ့မိပါတယ် ၊၊ မြန်မာပြည်ဖွားတွေဟာ ဘယ်နေရာ ဘယ်ဌာနမှာပဲ ရောက်နေပေမယ့် အမိမြန်မာ ပြည်ကို လွမ်းဆွတ်နေကြဆဲပါ ၊၊ တမ်းတနေကြဆဲပါ ၊၊ အခါမသင့်လို့ အခွင့်ရယ် မသာသေးချိန်မို့ တိုင်းတစ်မြေခြားမှာ လုပ်ကိုင်စားနေရပေမယ့် သပြေညို တွေဝေနေတဲ့ ပြည်မြန်မာကို အောင်စည်ရွမ်း ဖို့ ကမ်းလင့်မျှော်နေကြဆဲပါ ၊၊





ဓါတ်ပုံ ၊၊ ၊၊ စာပေဟောပြောပွဲ အမှတ်တယ ( ၂၀ ရက် ဒီဇင်ဘာလ ၂၀၀၉ ခုနှစ် တနင်္ဂနွေနေ့ နေ့လည် )

Saturday, 12 December 2009

ဒီနေ့ စနေနေ့

ဒီနေ့ စနေနေ့ ၊၊ အမှန်အတိုင်းပြောရရင် စနေနေ့ လောက် အလုပ်လုပ်ရတာ ပျင်းတာ မရှိပါဘူး ၊၊ နေ့တစ်ဝက် ဆိုပေမယ့် တစ်နေကုန်သွား တော့တာပါပဲ ၊၊ အခြားသူတွေ က တနင်္လာနေ့ကို ကြောက်တယ် ၊၊ ကျွန်တော်က တော့ စနေနေ့ကို ကြောက်တယ် ၊၊ တခါတလေများ ည နက်သန်းခေါင်ဖြစ်သွားတက်တယ် ၊၊ ထားလိုက်ပါတော့ လေ ကိုယ့်ဒေါသနဲ့ ကိုယ်ဆိုတော့လည်း လုပ်အုံးပေါ့ ၊၊ ဒီလိုနဲ့ ဒီနေ့လည်း ထုံးစံအတိုင်း ကြောက်ကြောက်နဲ့ အလုပ်လာတာပါ ၊၊ ကိုယ့်အပျော်ကိုယ်ရှာမယ်ပေါ့ ဆုံးဖြတ်ပြီး ဖတ်နေကျ စာအုပ်လေးပိတ် ၊ မျက်စိလေး မှိတ်ပြီး စဉ်းစားပြီး မှိန်းနေတုန်း ၀ူးဝါး ၀ူးဝါး အသံတွေ ကြားလို့ ဘေးဘီကို ငေးလိုက်တော့ ကုလားနှစ်ယောက် အခုမှ တွေ့တဲ့ သူတွေလို စကားတွေပြောနေလိုက်တာ ရထားတစ်စီးလုံး သူတို့ပဲ ရှိလား မှတ်ရတယ် ၊၊ တစ်တွဲလုံး ငေးနေတာလည်း ဂရုမစိုက်ပါဘူး ၊၊ သူတို့ ရွာမှာ အမီနာ လင်နောက်လိုက်သွားတဲ့ အကြောင်းများ ပြောပြီး လွမ်းနေကြတာလားမသိ ၊၊

မကြာပါဘူး ၊၊ နောက်ထပ် ၀ူးဝါးဝူးဝါး အသံထပ်ထွက်လာပါတယ် ၊၊ တစ်တွဲလုံးလည်း လိုက်ရှာတာပေါ့ ဘယ်ကပါလဲပေါ့ ၊၊ ဒီနေ့ ရထားပေါ်ကလူတွေက အကြံတူနေတယ် ထင်ပ ၊၊ ကျွန်တော့်လိုပဲ စာအုပ်လေးပိတ် ထားတဲ့သူနဲ့ ၊ သတင်းစာလေး ပိတ်ထားတဲ့သူနဲ့ လိုက်ရှာကြတာ တတိယ အသံရှင်ကို ၊၊ ဟော တွေ့ပါပြီ ၊၊ ကိုယ် တော်ချောက ခုနက ကုလားနှစ်ယောက်ဘေးကနေ ဖုန်းထပြောနေတာ၊၊ အားကောင်းမောင်းသန်ကို အော်နေတာ ပြည်မက အမျိုးတွေနဲ့ အကြွေးကိစ ဆွေးနွေးနေပုံရပါတယ် ၊၊ ဟဲဟဲ ပွဲကတော့ စည်လာပါတယ် ၊၊ သူလည်း ကိုကုလားတွေကို နိုင်အောင်တော့ မပြောနိုင်ရှာပါဘူး ၊၊ နောက်ဆုံးတော့ သူတို့ဘာသာဘာဝ တရုတ် သီချင်းကို အကျယ်ကြီး ထဖွင့်ပါတော့တယ် ၊၊ တန်ဆောင်တိုင်ပွဲတော်လို ကုလားနှစ်ယောက်က အပြိုင်ပြော နေသလို တရုတ်ကလည်း သီချင်းသံကုန်နဲ့ တော်တော်ကို အိပ်ချင်ပြေသွားပါတယ် ၊၊

လာပါပြီနောက်တစ်မျိုး ၊၊ ရထားကနေ ကားပေါ်ရောက်တော့ မှိန်းနေတုန်း နောက်နားဆီက " အင်....... ဟင့်........... မောင်.................. အွန့် ရောက်တော့မယ်လေ ................ အာ............. ကွားးးးးးးးးး အသံကြီးကလည်း အိပ်ချင်မူးတူး ကြီးနဲ့ ............. ဘာလဲ ............့ kjlkjflfjlksfjlsfjriri vnkdslfjsdlfjdsf jfpefp သူဌေး ဆီကနေ ညနေကားတောင်းလာခဲ့နော် မောင် လို့ မနက်ဖြန် သွားစရာ ရှိတယ်လေ ကွာ......... ယယယယယယယယယယယယယယ " အိုးမိုင်ဂေါ့ နောက်တစ်မျိုးကတော့ ရွာကအမျိုး စာဥ ရယ်လေ ၊၊ ချွဲပြီး ပျစ်နေတာ အင်း စိတ်ကူးဖဲရိုက်ပြိး အသံကတော့ ကြံကျိတ်ဆုံက ထွက်လာသလို ဆိုတော့ ရုပ်ကို မှန်းပြီ ပေါ့ ၊၊ ဘယ်လိုလေးလဲပေါ့ ၊၊ ကြည့်ချင်စိတ်တွေကို ထိန်းချုပ်ပြီး ကိုယ့်ဘာသာကို တစ်ယောက်တည်း ဖဲရိုက်လာတာ ၊ ဟိုဖက်က သာအေး ကိုတောင် ဘယ်လို ပုံပါ လိမ့်ပေါ့ ၊၊ နောက်ဆုံး မှတ်တိုင်ရောက်တော့ အသာလေး ခလုတ်လေးကို နှိပ် ခေါင်းလေးကို ၄၅ ဒီဂရီ စောင်းပြီး ရူုလိုက်တော့ အားပါးပါး ............... မြန်မာကားတွေ ကြည့်ကြတယ် မဟုတ်လား ဟီဟီ ဟိုမင်းသမီးလေးလေ ........... နာမည်တော့ မေ့နေတယ် ............ ဟိုတခါ မိုးဒီနဲ့တောင် ထက်လင်း ရင်လူးဆေး ကြော်ငြာ ရိုက်ဖူးတဲ့ မင်းသမီးလေးလေ ............ ဟီဟိ
ဘာရယ်မဟုတ် အလုပ်ကို ညထိ လုပ်ရအုံးမယ့် စနေနေ့ အမှတ်တယ ရုံးရောက်ရောက်ချင်း ဘာမှ မစခင် တင်လိုက်တာပါ
မင်းအိမ်ဖြူ